سلمان الرياض
03-08-2008, 12:52 AM
السلام عليكم ورحمة الله
حبيت انقل لكم صورة مختصرة عن معرض الرياض للكتاب ومشاهداتي وانطباعي بشكل عام وموجز حيث قمت بزيارة المعرض يوم االخميس الساعة العاشرة صباحا _ حب اطلاع _
وبصراحة دخلت المعرض وانا ناوي ماشتري شي صدق او لا تصدق دفعوني 300 ريال مشتروات ...
المهم السالفة من الصفر شفت السيارات والزحمه والبنات انواع الزحمات يعني اعتقد الحضور لا يقل عن 10.000 كحد ادنى والدخول للجميع ..قلت حلو شي طيب والله اول مره مسموح للشباب مع البنات .... المهم قلت ادق على خويي الي متعود يقوم الساعة عشرة موعد دوامه بالراجحي قلت تعال المعرض فيه شي يعجبك طبعا هو ماله شغل في الكتاب ولا اعتقد بحياته اشترى كتاب والا رواية بحياته معدوم الثقافة بس لسانه طويل المهم اشغلني فطور فطور قلت طيب طيب وسحبت عليه وبعد الظهر عوضته بغداء وانتهيت من خويي نرجعت للمعرض
دخلت وبصراحة اول مرة ادخل مثل المعارض هذي وكنت اخذت فكرة عنها وعن الادارة من موقعهم الرسمي على اساس بعرف هل هو للجميع او عوائل او وقت كذا ووقت كذا المهم بصراحة ماستفدت من الموقع المعلومة الي ابغاها وقلت اروح واسئل افضل
المهم من حسن حظي انه للجميع في وقت الصباح دائما وبعد العصر عوائل واحد الايام رجال
رحت لبقت السيارة في موقف بعيد يمكن نص كيلو عن المعرض من كثر الزحمات ويالله حصلته بعد وانا نازل كل شوي واحد مسلم علي وش السالفة ؟؟
طبعا من كثرتهم والناس الي يسلمون والله قليل عليهم دكتور واضح من اشكالهم والله اعلم ونظاراتهم ومحترمين بصراحة.. يوم دخلت المعرض حصلت اقسام كبيرة للجامعات السعودية بصراحة ماجذبتني
.. واكثر شي لفت انتباهي ... كثرة دور النشر ماصدقت مسكت راسي عشرات دور النشر في المملكة وكتب جديدة ماشفتها قبل كذا وانا عادة بصراحة احب الروايات ...
اما عن زوار المعرض من النساء على صنفين واحد لابس نظارات طبيه وواحد لابس نظارات شمسية على الموضه ملفته بشكل فاتن واغلب الي لابس شمسية الظاهر تمشية نفس وضعي الصدق مافي احسن منه ...المهم انهم عطوا للمعرض جو جذاب وملفت وجميل من وجهت نظري...
بعدين ارجعكم شوي اول مادخل شفت مثل ماقلت لكم قسم الجامعات في الواجهه وبعدين تدخل شوي وتحصل دور النشر وهنا تحصلهم على نظام بسطات كل دار نشر ماخذين جزء وهات يابيع ماعدا المكتبات الكبيرة لها اجنحة مثل العبيكان و جرير.
اول بسطة او قسم لاحد دور النشر الصغيرة جذبني عدد الروايات الكثيرة عندهم والجديدة طبعا لم تنزل بالسوق بعد ... اخذت ثلاث روايات طبعا بحدود 150 ريال لانهم من الحجم الكبير على اجزاء طبعا لازم يكون معاك فلوس الصرافة ماعاد تنفع...
ولقافة مني سألت صاحب البسطة عن شي قراءت عنه وهو عن (تسعيرة الكتب مفروض على كل كتاب تسعيرة ) المهم ندمت اني سألته فل الشريط وانواع الاجوبه ودخلني بالتاريخ وقبل ثلاثين سنة ومدري ايش وشوي دخلني بالسياسة .. انطلق بس الله سترها..
قلت توبة اسأل انا وش دخلني يحطون تسعيرة والا لا ... على اني بشتري ولازم اضمن مايكون فيه تلاعب من حقي بس ماحبيت اقوله في وجه السوري وهو كبير بالسن واعصابهم منهاره واخاف بصراحة يطلع مجنون وينحرني الله لا يبلانى ..
مشى الموضوع على سلام وتجولت بالمعرض وطلعت بعشر روايات جديدة لم تنزل بالسوق وعالمية ...
اهم الملاحظات
1- كل المسئولين عن دور النشر والمدراء والبياعين من سوريا ( سوريين ) معرض في الرياض ؟؟؟؟ ولا سعودي واحد ودور نشر لسعوديين وين السعودة ....
2- التنظيم معدوم مافيه مواقف للسيارات . واذا اشتريت لازم تسلم الفاتورة برا طبعا كل مبسط او دور نشر يعطوك فاتورة برى مع الخيل ياشقراء يكتفون باي ورقة صفراء ولا يعدون الكتب ولا عندهم سالفة والسوريين واحد منهم يقول ( مايعرفون شي فاتورة تكفي )
3-المعرض فيه ضيف شرف اليابان ولهم قسم بصراحة والله نموذج متميز وفعلا ياباني تثق فيهم تنظيم وجايبين يابانية حلوة ترسم للاطفال طبعا طفل سعودي حاس انه مرتبك كانها بينضرب فاقد الثقة بصراحة مدري ليه كلنا كذا رجونا الاجانب ... ولا فيه صرافات لازم كاش التقنية معدومة مضيف الشرف اليابان فضيحة ....
4-واخر ملاحظة زوروا المعرض فرصة لان كتب المعرض مخفضة ولو كانت جديدة وتقدر تقارن لما تشتري الكتاب وبعد شهرين تنزل للمكتبات وتشوف سعره ... فيها خصم 30 % خاصة طلبة الجامعة الاذكياء راح يخذون كتبهم بخصم 30% يتعشى فيها اسبوع ...
والله اعلم . انتظر تعليقاتكم ... ولا تعلق الا لما تقرا وشكرا
حبيت انقل لكم صورة مختصرة عن معرض الرياض للكتاب ومشاهداتي وانطباعي بشكل عام وموجز حيث قمت بزيارة المعرض يوم االخميس الساعة العاشرة صباحا _ حب اطلاع _
وبصراحة دخلت المعرض وانا ناوي ماشتري شي صدق او لا تصدق دفعوني 300 ريال مشتروات ...
المهم السالفة من الصفر شفت السيارات والزحمه والبنات انواع الزحمات يعني اعتقد الحضور لا يقل عن 10.000 كحد ادنى والدخول للجميع ..قلت حلو شي طيب والله اول مره مسموح للشباب مع البنات .... المهم قلت ادق على خويي الي متعود يقوم الساعة عشرة موعد دوامه بالراجحي قلت تعال المعرض فيه شي يعجبك طبعا هو ماله شغل في الكتاب ولا اعتقد بحياته اشترى كتاب والا رواية بحياته معدوم الثقافة بس لسانه طويل المهم اشغلني فطور فطور قلت طيب طيب وسحبت عليه وبعد الظهر عوضته بغداء وانتهيت من خويي نرجعت للمعرض
دخلت وبصراحة اول مرة ادخل مثل المعارض هذي وكنت اخذت فكرة عنها وعن الادارة من موقعهم الرسمي على اساس بعرف هل هو للجميع او عوائل او وقت كذا ووقت كذا المهم بصراحة ماستفدت من الموقع المعلومة الي ابغاها وقلت اروح واسئل افضل
المهم من حسن حظي انه للجميع في وقت الصباح دائما وبعد العصر عوائل واحد الايام رجال
رحت لبقت السيارة في موقف بعيد يمكن نص كيلو عن المعرض من كثر الزحمات ويالله حصلته بعد وانا نازل كل شوي واحد مسلم علي وش السالفة ؟؟
طبعا من كثرتهم والناس الي يسلمون والله قليل عليهم دكتور واضح من اشكالهم والله اعلم ونظاراتهم ومحترمين بصراحة.. يوم دخلت المعرض حصلت اقسام كبيرة للجامعات السعودية بصراحة ماجذبتني
.. واكثر شي لفت انتباهي ... كثرة دور النشر ماصدقت مسكت راسي عشرات دور النشر في المملكة وكتب جديدة ماشفتها قبل كذا وانا عادة بصراحة احب الروايات ...
اما عن زوار المعرض من النساء على صنفين واحد لابس نظارات طبيه وواحد لابس نظارات شمسية على الموضه ملفته بشكل فاتن واغلب الي لابس شمسية الظاهر تمشية نفس وضعي الصدق مافي احسن منه ...المهم انهم عطوا للمعرض جو جذاب وملفت وجميل من وجهت نظري...
بعدين ارجعكم شوي اول مادخل شفت مثل ماقلت لكم قسم الجامعات في الواجهه وبعدين تدخل شوي وتحصل دور النشر وهنا تحصلهم على نظام بسطات كل دار نشر ماخذين جزء وهات يابيع ماعدا المكتبات الكبيرة لها اجنحة مثل العبيكان و جرير.
اول بسطة او قسم لاحد دور النشر الصغيرة جذبني عدد الروايات الكثيرة عندهم والجديدة طبعا لم تنزل بالسوق بعد ... اخذت ثلاث روايات طبعا بحدود 150 ريال لانهم من الحجم الكبير على اجزاء طبعا لازم يكون معاك فلوس الصرافة ماعاد تنفع...
ولقافة مني سألت صاحب البسطة عن شي قراءت عنه وهو عن (تسعيرة الكتب مفروض على كل كتاب تسعيرة ) المهم ندمت اني سألته فل الشريط وانواع الاجوبه ودخلني بالتاريخ وقبل ثلاثين سنة ومدري ايش وشوي دخلني بالسياسة .. انطلق بس الله سترها..
قلت توبة اسأل انا وش دخلني يحطون تسعيرة والا لا ... على اني بشتري ولازم اضمن مايكون فيه تلاعب من حقي بس ماحبيت اقوله في وجه السوري وهو كبير بالسن واعصابهم منهاره واخاف بصراحة يطلع مجنون وينحرني الله لا يبلانى ..
مشى الموضوع على سلام وتجولت بالمعرض وطلعت بعشر روايات جديدة لم تنزل بالسوق وعالمية ...
اهم الملاحظات
1- كل المسئولين عن دور النشر والمدراء والبياعين من سوريا ( سوريين ) معرض في الرياض ؟؟؟؟ ولا سعودي واحد ودور نشر لسعوديين وين السعودة ....
2- التنظيم معدوم مافيه مواقف للسيارات . واذا اشتريت لازم تسلم الفاتورة برا طبعا كل مبسط او دور نشر يعطوك فاتورة برى مع الخيل ياشقراء يكتفون باي ورقة صفراء ولا يعدون الكتب ولا عندهم سالفة والسوريين واحد منهم يقول ( مايعرفون شي فاتورة تكفي )
3-المعرض فيه ضيف شرف اليابان ولهم قسم بصراحة والله نموذج متميز وفعلا ياباني تثق فيهم تنظيم وجايبين يابانية حلوة ترسم للاطفال طبعا طفل سعودي حاس انه مرتبك كانها بينضرب فاقد الثقة بصراحة مدري ليه كلنا كذا رجونا الاجانب ... ولا فيه صرافات لازم كاش التقنية معدومة مضيف الشرف اليابان فضيحة ....
4-واخر ملاحظة زوروا المعرض فرصة لان كتب المعرض مخفضة ولو كانت جديدة وتقدر تقارن لما تشتري الكتاب وبعد شهرين تنزل للمكتبات وتشوف سعره ... فيها خصم 30 % خاصة طلبة الجامعة الاذكياء راح يخذون كتبهم بخصم 30% يتعشى فيها اسبوع ...
والله اعلم . انتظر تعليقاتكم ... ولا تعلق الا لما تقرا وشكرا